Litclub.ge

გმადლობთ (მთარგმნელი აბჟანდაძე ანზორ)
    გმადლობთ

გმადლობთ! _ გუშინ არ მოგგვარა ღიმილი
ჩემმა წრფელმა და მწუხარე ლექსმა,
და თუმც შენს გულს კვლავ არარა ესმა,
მაინც _ თითქოს რომ გესმოდა ყოველი, _ 
  გმადლობთ!

ოჰ, რარიგად მატყვევებდი დიდხანს!
სიტყვა შენი, მზერა შენი მდაღველი,
გულს დამრჩება, ვით მარადი ნაღველი...
მაგრამ არ მსურს, შენც პასუხად მითხრა:
  გმადლობთ!

მე მწყურია ძებნა ბედნიერების, _
ვით ვემატო ბედკრულ მონებს შენსას!
არ ვისურვებ, რომ ოდესმე მესმას
შენგან _ ნაცვლად გესლიანი ყვედრების _  
  გმადლობთ!

ცივმა მზერამ დამწვას შენმა _ ეს მსურს,
მოსპოს იგი ოცნება და იმედი,
რასაც გულში მიელვებდი, მინთებდი...
მხოლოდ მაშინ აღმოხდება ჩემს სულს:
  გმადლობთ!

  1830