`არ უნდა ჩანდე ოსტატზე მეტი,

ბრძენი იყავ და ჩაგთვალონ შლეგად...~

მე უფლის ნებით ჩუქურთმას ვკვეთდი,

ხეკორძულას წყალს მასმევდა დედა...

`მოეკვეთება ყველას მარჯვენა,

მეფეზე მეტად ვინც იარწივებს!~

მაცხოვრის კვართის გადასარჩენად,

ფარისეველთა ვძლიე ქარ-წვიმებს...

მადლობა ღმერთო, ჩემი მარჯვენა,

ღირსი გახადე ტაძრის კედლისა...

ივერთა რწმენის გადასარჩენად,

ხუროთმოძღვრობა რომ დამეკისრა...

დაე, მომკვეთონ მეორე მკლავიც,

ოღონდ ერთობა იყოს ქართველთა...

ვერც წიწამურთან ვეღარ მომკლავენ

თუ საქართველოს სული გამთელდა...