შეხვედრა ექსკლიუზივი
დოლს უკრავდა მედოლე, ტაშს უკრავდა მეტაშე,
შარაგზაზე შორი-შორ მივდიოდით
მე და შენ.
მზე ეყარა მიწაზე, ხეზე, ქვაზე, მეტალზე,
გზაზე ერთიმეორე დავინახეთ
მე და შენ.
თვალი ანგარიშობდა მიკრო-მილი-მეტრაჟებს,
უცებ ერთმანეთისკენ გავეშურეთ
მე და შენ.
თავის გზაზე წავიდნენ მეველე და მებაჟე
და ერთმანეთს უსიტყვოდ ჩავეკონეთ
მედაშენ.
1978
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru