იღიმებიან სახლები
ვარდებში ქარი ფათურებს,
აფეთქებულან ბაღები,
დღეს აღარ აუმადურებს
გულცივი, წყალწასაღები.
იღიმებიან სახლები -
გაჰქრა შიმშილი, სიცივე,
დამშვიდებული ძაღლები
ქუჩებს ერთგულად იცავენ.
ყველამ იპოვა საფარი -
ვინც ეხლა უმეზობლოა,
გაჰქრა წარსული ზღაპარი,
ეხლა დამშვიდდი, მსოფლიო.
1925
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru