ფანტასტიური იმპერატორი
ჰაერი სავსე საღამოს ყინვით
და მოვარდნილი ფიქრის გორები...
ავსებენ ჰაერს იდუმალ გრგვინვით
ფანტასტიური ორატორები.
და მიტინგები იყო მრავალი,
რომ ბედის მონა და უმადური
მისდევდა ჰაერს, ცად მიმავალი
ფანტასტიური იმპერატორი.
შეკრებილიყვნენ ყრუ და მუნჯები,
მათი თითებით მეფის ხსენება
იყო გრიგალის და გაურჩების
ფანტასტიური გადაჭენება.
1925
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru