თემა
ციკლიდან „ეპოქა“
ტბის ბროლება ელექტრონის
სიცილს იჭერს,
არაგვიდან ატრიალებს
შუქთა გიშერს.
აქ ახალი სიხარულის
ხელმა ჩადო
კილოვატთა, ფოლადის და
რკინის ჯადო.
და მაღლიდან ცისარტყელას
ალთა ცემა
მუდამ მძაფრი და ნათელი
არის თემა.
1928
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru