უცხოელ პოეტს
ჩვენში: „გაგვიძეღ, ბერო მინდიავ,
მუხლი მაიბი მგლისაო“ - მღერდნენ.
თქვენში კი - ერთობ სხვა ამინდია,
მგოსნებიც თქვენი გადასხვაფერდნენ.
რა სასწაულით, რა საწყაულით
პოეტი უნდა შეიქნეს მოგვი -
მუხლები თუ აქვს გადატყაული
ბატონების წინ ხვეწნით და ჩოქვით.
არვინ მიენდოს ამგვარს იოტით!
პოეტი მართლა პოეტი თუა -
არც ერთ მლიქვნელის და იდიოტის
სწრაფვას იმისას არ აჰყვეს ჭკუა!
1935
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru