ფირუზისფერ ტალღებზე
ფირუზისფერ ტალღებზე
გემი რომ ილანდება,
ჰხედავ, როგორ ედება
ნაპირს ცეცხლის დანთება.
მოსჩანან ფრონტონები
ახალ ნაგებ სახლების.
ხეთა მწვანე დროშები -
ნიშანი განახლების.
ოდეს საღამოობით
ქალაქი აინთება,
სამხრეთის ცის კრიალა
ვარსკვლავი გაბრწყინდება.
დიდებული წამები
სიჩუმის და სიმშვიდის
არეს გადეფარება -
ქართა მსუბუქი რიდის.
ო, რამდენი ძალა სცემს
ამ მშვიდი გალაღებით...
შავი ზღვა კი მიმოდის,
ფოსფორიულ ტალღებით.
1941
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru