* * * "ვიცი, არსებობს" (მთარგმნელი: ქარდავა ფრიდონ (ქარდა ქარდუხი))

ვიცი, არსებობს სადღაც სხვა ზეცა,

ყოველთვის სუფთა და მშვენიერი

იქ სხვანაირი შუქი აქვს მზესაც,

თუმცა სიბნელის გასდევს იერი;

ოსტინ, დამჭკნარი ტყენი კი არა,

ველნი კი არა, მუდამ რომ დუმან-

იქ პაწაწინა ტყე არის ერთი,

რომლის ფოთლებიც მწვანეა მუდამ:

იქ არის ერთი ბრწყინვალე ბაღი,

რომ ვერ დაამჩნევს ყინვა იარებს

მის მარადიულ უჭკნობს ყვავილებს

მესმის ფუტკარი ვით დაბზრიალებს:

გემუდარები ჩემო ძამიკო,

მოდი, ჩემს ბაღშიც შემოიარე!