წიკლაური მარიამ
გაზიარება

მცხეთა 

...და მცხეთა, როგორც იოანე,
უფლისკენ გვიხმობს
დის მოლოდინით ავსილი მტკვარი.
აქ მეცხრე ციდან
სულიწმიდის გადმოდის ძალა
ნათლის მტრედივით,
მთის კორტოხზე ღუღუნებს ჯვარი.
წმიდა სამების გაცხადების
ძეგლია თითქოს
არაგვისა და მტკვრის შესაყარი
ეჰაა, როდიდან...
მარადს სიკვდილის სიო დანებდა
და მეჩვენება,
სვეტიცხოველი,
ვით მაცხოვარი,
დგას ამოსული
იორდანედან.

??????