ფარდაგი
ფანტელი ნაზი, მთოვარი
ძველ კედელს შენი ფარდაგი
ბებიის ნამზითოვარი.
დნობა ფანტელის ბედია,
გადაწყვეტილი განგებით,
გავლილზე უფრო მეტია,
გასავლელზე კი ნაკლები.
გაირბენს წელი რამდენი
უწრფეს გრძნობებზე ქილიკით,
ჩაივლის პიერ კარდენიც
პოდიუმების ბილიკით.
შერჩება კედელს ფარდაგის
ფანტელი ნაზი, მთოვარი,
ცრემლით ნაგრძნობი ამაგი
ბებიის ნამზითოვარი.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru