გაზიარება

* * * "რა არეული ანბანია"

რა არეული ანბანია,
ან ვინ დამარცვლა
ასე ქუჩები?
ირგვლივ ფერადი წარწერების
ნუსხა ციმციმებს,
ერთ რიტმში ფეთქავს
მილიონი ტვინის უჯრედი,
ქალაქის სივრცე ჩამოღუნა მთვარის სიმძიმემ.

ელექტრონული მუსიკაა!
სრული ქაოსი.
სრული კომფორტი,
სიმარტოვის ქაოსში ჩართვა
და გდია ავტო-მობილების სასაფლაოზე,
რომანტიკული შეღამება, ეპოქის ჯართად.

ელექტრონული მუსიკაა!
დიხ მუსიკა.
(აქ ჯონ ლენონის ქუჩაც არის ცნობის გულისთვის)
გრძელ მოსახვევში,სამარშრუტო ავტობუსიდან,
მეძავების რიგს თვალს აყოლებს ზანგი ტურისტი.