მელანქოლიის გამოქვაბული (სკეპტიციზმის თეორიიდან) ^{ექსკლიუზივი}

`გეშინოდეთ სიმარტოვისა,

გეშინოდეთ მცონარობისა!~

რობერტ ბერტონი.

`მელანქოლიის ანატომია~.

ჩამოწერილი კელაპტრებია:

ბჟუტავენ, წყვდიადს ვერ ანათებენ...

მოწყენილობა _ გადამდებია

სურდოსებრ... ბეჭზე _ ბასრი თათები

გაწევს სატანის: `ყოფნა-არყოფნის~

საკითხი _ მარად გადაუჭრელი

გიძიძგნის გულკაჟს: რა ცოტა ყოფნის

მოკვდავს, როდესაც გატყვრა მუცელი?!