ქუთათელაძე ბადრი

გაზიარება

ქართველებო, ერთმანეთი დავინდოთ ^{ექსკლიუზივი}

ფუი ეშმაკს!..

/ეშმაკები გვაზის მხრებზე!../

ქართველებო,

ერთმანეთი დავინდოთ!..

სანამ მეფობს ჩვენს სულებში თამარ მეფე,

სანამ ჩვენში დავით მეფე დავითობს!..

ფუი, ეშმაკს!..

/ვინ დაგვწყევლა ასე გულით!../

ძმა ძმის აუგს მთელს ქვეყანას გაჰკივის,

ბევრი გვქონდა სისხლიანი გაზაფხული,

შემართება იყო ეს 9 აპრილი!..

... მაგრამ, ძმებო,

ბაზალეთი გვტკივა მეტად!..

/ძმა ძმისაკენ სასიკვდილოდ მიიწევს!../

და ქართველი ქართველისგან ისევ კვდება,

ხატს და მირონს, ჯიშს და ჯილაგს

ივიწყებს!..

ფუი ეშმაკს!..

/ღმერთი ჩვენთვის აღარ იცლის.../

უცხო ტომი ხელებს ითბობს ღადარზე!..

ქართველებო,

ახლა უნდა დავდოთ ფიცი,

თუ გვინდა, რომ მომავალი გადარჩეს!..

ფუი, ეშმაკს!..

/ეშმაკები გვაზის მხრებზე!../

ქართველებო,

ერთმანეთი დავინდოთ!..

სანამ მეფობს ჩვენს სულებში თამარ მეფე,

სანამ ჩვენში დავით მეფე დავითობს!..

საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!

სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru