ფსიქიკა
მის სახლს ყაჩაღი შეეჩვია,
ცნობიერებიდან მოსტაცა ადამიანი -
სამყარო.
სიბნელიდან უთვალავი ვარსკვლავი დაჰყურებდა.
ადამიანები თვალებს ხუჭავდნენ,
იგი კი იდგა,
წამწამებს უთვალთვალებდა,
ნაძვის ხის სათამაშოებივით რომ აესხათ სიზმრები.
ვიღაცამ უთხრა:
წადი, ღმერთს თხოვე, არ დაიძინოს...
იგი კი სიზმრებს მიეყრდნო,
კოსმოსს შეეხო -
მიტოვებული ფსიქიკის სითბოს
და დრო შეიგრძნო...
გაიწკრიალეს ნაძვის ხეებმა,
გაახილა ყველამ თვალები
და სამყარო მიებჯინა გამჭვირვალე სათამაშოებს,
როგორც ყაჩაღის ალესილი სუსტი დანები.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru