გაზიარება

ბალახი (მთარგმნელი: შოთა იათაშვილი)

დაახვავეთ სხეულები ვატერლოოსთან, აუსტერლიცთან,
ჩაფლეთ მიწაში და მაცადეთ, რომ ვიმუშაო -
მე ბალახი ვარ; მე ამქვეყნად ყველაფერს ვფარავ.

და დაახვავეთ სხეულები გეტისბურგთანაც,
დაახვავეთ იპრთან, ვერდენთან,
ჩაფლეთ მიწაში და ნება დამრთეთ, რომ ვიმუშაო.
ორი წელი, ათი წელი, და მგზავრები დაუსვამენ კითხვას კონდუქტორს:

"სადა ვართ ახლა?
რა ადგილია?"'

მე ბალახი ვარ.
დამაცადეთ, რომ ვიმუშაო.