გაზიარება

შეშის დახერხვა დეკემბრის დილით

მოვიდა დიდი თოვლი _ მშიერ შოშიას გაუთოვდა.
მოვიდა დიდი თოვლი _ დიდი ზეწარი გაუთოვდა.
ავალ, გადავკრავ არაყს _ აღარ იქნება უარყობა!
გადი _ გამოდის ხერხი, ვით უარყოფის უარყოფა.
ისევ გამოჩნდა თოვლში შენი თვალების ია ლურჯი!
მსურს სიარული თოვლში, და შენზე ფიქრი სიარულში!
ერთსაც გადავკრავ, ჭოლა! _ აღარ იქნება უარყობა!
... გადი _ გამოდის ხერხი, ვით უარყოფის უარყოფა!..